ᠲᠥᠷᠦ ᠬᠤᠪᠢ ᠶ᠋ᠢᠨ ᢈᠡᠪᠰᠢᠯ ᠦ᠋ᠨ ᠲᠦᠩᠰᠢᠯᠡᠯ ᠢ᠋ᠶᠡᠷ ᠮᠣᠩᠭᠣᠯ ᠳ᠋ᠤ ᠠᠩᠬᠠ ᠤᠳᠠᠭᠠ ᠡᠮ-ᠰᠢ-ᠡᠰ ᠻᠣᠻᠠ-ᠻᠣᠯᠠ ᠬᠤ᠂ᠬᠠ᠂ᠻᠠ ᠦ᠋ᠨ ᠦᠢᠯᠡᠳᠪᠦᠷᠢ ᠶ᠋ᠢᠨ ᠴᠡᠪᠡᠷᠯᠡᢉᠰᠡᠨ ᠬᠠᠶᠠᠭᠳᠠᠯ ᠤᠰᠤ ᠶ᠋ᠢ ᠠᠮᠤᠭᠤᠯᠠᠩ ᠳᠤᠯᠠᠭᠠᠨ ᠤ᠋ ᠰᠲ᠋ᠠᠨ᠋ᠼ ᠲᠥ᠂ᠥ᠂ᠻᠡ ᠦ᠋ᠨ ᠲᠧᢈᠨᠣᠯᠣᢉᠢ ᠶ᠋ᠢᠨ ᢈᠡᠷᠡᢉᠴᠡᢉᠡᠨ ᠳ᠋ᠦ ᠳᠠᢈᠢᠨ ᠠᠰᠢᠭᠯᠠᠵᠤ ᠡᢈᠢᠯᠡᠯᠡ᠃ ᠢᠩᢉᠡᠰᠡᠨ ᠢ᠋ᠶᠡᠷ ᠠᠮᠤᠭᠤᠯᠠᠩ ᠳᠤᠯᠠᠭᠠᠨ ᠤ᠋ ᠰᠲ᠋ᠠᠨ᠋ᠼ ᠲᠥ᠂ᠥ᠂ᠻᠡ ᠨᠢ ᠲᠥᠷᠦ ᠶ᠋ᠢᠨ ᠥᠮᠴᠢ ᠶ᠋ᠢᠨ ᠰᠲ᠋ᠠᠨ᠋ᠼ ᠨᠤᠭᠤᠳ ᠳᠤᠮᠳᠠ ᠪᠠᠨ ᠨᠣᠭᠤᠭᠠᠨ ᠰᠢᠢᠳᠡᠯ ᠨᠡᠪᠲᠡᠷᠡᢉᠦᠯᠦᢉᠰᠡᠨ ᠠᠩᠬᠠᠨ ᠤ᠋ ᠰᠲ᠋ᠠᠨ᠋ᠼ ᠪᠣᠯᠵᠤ᠂ ᠤᠯᠠᠭᠠᠨᠪᠠᠭᠠᠲᠤᠷ ᠬᠣᠲᠠ ᠶ᠋ᠢᠨ ᠡᠷᠴᠢᠮ ᢈᠦᠴᠦ᠂ ᠤᠰᠤᠨ ᠤ᠋ ᠮᠧᠨᠧᠵᠮᠧᠨᠲ ᠦ᠋ᠨ ᠰᠠᠯᠪᠤᠷᠢ ᠳ᠋ᠤ ᠰᠢᠨᠡ ᠱᠠᠲᠤ ᠠᠬᠢᠭᠰᠠᠨ ᠲᠡᠦᢈᠡᠨ ᠦᠢᠯᠡ ᠶᠠᠪᠤᠳᠠᠯ ᠲᠣᢈᠢᠵᠤ ᠪᠠᠶᠢᠨᠠ᠃
ᠡᠨᠡᢈᠦᠦ ᠲᠥᠰᠦᠯ ᠢ᠋ ᠪᠠᠶᠢᠭᠠᠯᠢ ᠣᠷᠴᠢᠨ᠂ ᠤᠤᠷ ᠠᠮᠢᠰᠬᠤᠯ ᠤ᠋ᠨ ᠥᢉᠡᠷᠡᠴᠢᠯᠡᠯᠲᠡ ᠶ᠋ᠢᠨ ᠶᠠᠮᠤᠨ ᠤ᠋ ᢈᠦᠰᠦᠯᠲᠡ ᠪᠡᠷ ᠳᠡᠯᢈᠡᠢ ᠶ᠋ᠢᠨ ᠪᠠᠩᠻᠢ ᠶ᠋ᠢᠨ “᠒᠐᠓᠐ ᠤᠰᠤᠨ ᠤ᠋ ᠨᠥᢉᠡᠴᠡ ᠶ᠋ᠢᠨ ᠪᠦᠯᠦᢉ” ᠨᠢ ᠒᠐᠒᠐᠆᠒᠐᠒᠔ ᠣᠨ ᠳ᠋ᠤ ᠪᠦᠭᠦᠳᠡ ᠨᠠᠶᠢᠷᠠᠮᠳᠠᠬᠤ ᠰᠣᠯᠤᠩᠭᠤᠰ ᠤᠯᠤᠰ ᠤ᠋ᠨ ᠨᠣᠭᠤᠭᠠᠨ ᢈᠥᢉᠵᠢᠯ ᠦ᠋ᠨ ᠢᠲᢉᠡᠯᠴᠡᠯ ᠦ᠋ᠨ ᠰᠠᠩ ᠤ᠋ᠨ ᠰᠠᠩᢈᠦᠵᠢᠯᠲᠡ ᠪᠡᠷ ᢈᠡᠷᠡᢉᠵᠢᢉᠦᠯᠵᠦ᠂ ᠳᠤᠯᠠᠭᠠᠨ ᠤ᠋ ᠰᠲ᠋ᠠᠨ᠋ᠼ ᠶ᠋ᠢᠨ ᠲᠧᢈᠨᠣᠯᠣᢉᠢ ᠶ᠋ᠢᠨ ᢈᠡᠷᠡᢉᠴᠡᢉᠡᠨ ᠳ᠋ᠦ ᠲᠤᠰ ᠻᠣᠮᠫᠠᠨᠢ ᠶ᠋ᠢᠨ ᠴᠡᠪᠡᠷᠯᠡᢉᠰᠡᠨ ᠬᠠᠶᠠᠭᠳᠠᠯ ᠤᠰᠤ ᠶ᠋ᠢ ᠠᠰᠢᠭᠯᠠᠬᠤ ᠪᠣᠯᠤᠮᠵᠢᠲᠠᠢ ᠪᠣᠯᠬᠤ ᠶ᠋ᠢ ᠪᠠᠲᠤᠯᠠᠭᠠᠵᠢᠭᠤᠯᠤᠨ ᠲᠣᠭᠲᠠᠭᠠᠵᠤ ᠪᠠᠶᠢᠵᠠᠢ᠃
ᠤᠭ ᠬᠣᠶᠠᠷ ᠪᠠᠶᠢᠭᠤᠯᠤᠮᠵᠢ ᠶ᠋ᠢᠨ ᠬᠣᠭᠤᠷᠤᠨᠳᠤ ᠒.᠕ ᠻᠮ ᠵᠠᠶᠢᠲᠠᠢ ᠪᠥᢉᠡᠭᠡᠳ ᠤᠰᠤ ᠶ᠋ᠢ ᠨᠡᠶᠢᠯᠡᢉᠦᠯᢈᠦ ᠶ᠋ᠢᠨ ᠲᠤᠯᠠ ᠡᠮ-ᠰᠢ-ᠡᠰ ᠻᠣᠻᠠ-ᠻᠣᠯᠠ ᠻᠣᠮᠫᠠᠨᠢ ᠓.᠕ ᠲᠡᠷᠪᠤᠮ ᠲᠥᢉᠦᠷᠢᢉ ᠦ᠋ᠨ ᠥᠪᠡᠷ ᠦ᠋ᠨ ᢈᠥᠷᠦᠩᢉᠡ ᠣᠷᠤᠭᠤᠯᠤᠯᠲᠠ ᠪᠠᠷ ᠱᠤᠭᠤᠮ ᠬᠣᠭᠤᠯᠠᠢ᠂ ᠨᠡᠮᠡᠯᠲᠡ ᠲᠣᠨᠤᠭ ᠲᠥᢈᠦᢉᠡᠷᠦᠮᠵᠢ ᠰᠠᠭᠤᠷᠢᠯᠠᠭᠤᠯᠤᠨ ᠰᠲ᠋ᠠᠨ᠋ᠼ ᠳ᠋ᠤ ᠰᠢᠭᠤᠳ ᢈᠦᠯᠢᠶᠡᠯᠭᠡᠨ ᠥᢉᠴᠦ ᠪᠤᠢ ᠠᠵᠢ᠃
ᠠᠮᠤᠭᠤᠯᠠᠩ ᠳᠤᠯᠠᠭᠠᠨ ᠤ᠋ ᠰᠲ᠋ᠠᠨ᠋ᠼ ᠲᠥ᠂ᠥ᠂ᠻᠡ ᠨᠢ ᠤᠯᠠᠭᠠᠨᠪᠠᠭᠠᠲᠤᠷ ᠬᠣᠲᠠ ᠶ᠋ᠢᠨ ᠵᠡᢉᠦᠨ ᠪᠦᠰᠡ ᠶ᠋ᠢᠨ ᢈᠡᠷᠡᢉᠯᠡᢉᠴᠢᠳ ᠢ᠋ ᠳᠤᠯᠠᠭᠠᠨ ᠢ᠋ᠶᠠᠷ ᠬᠠᠩᠭᠠᠳᠠᠭ ᠡᢈᠡ ᠡᢉᠦᠰᠪᠦᠷᠢ ᠪᠥᢉᠡᠭᠡᠳ ᠙᠆ᠷ ᠰᠠᠷᠠ ᠶ᠋ᠢᠨ ᠑᠕᠆ᠨ ᠤ᠋ ᠡᠳᠦᠷ ᠡ᠋ᠴᠡ ᠕᠆ᠷ ᠰᠠᠷᠠ ᠶ᠋ᠢᠨ ᠑᠕᠆ᠨ ᠤ᠋ ᠬᠣᠭᠤᠷᠤᠨᠳᠤ ᠲᠧᢈᠨᠣᠯᠣᢉᠢ ᠶ᠋ᠢᠨ ᢈᠡᠷᠡᢉᠴᠡᢉᠡᠨ ᠦ᠋ ᠤᠰᠤᠨ ᠤ᠋ ᠔᠐ ᠬᠤᠪᠢ ᠪᠠᠨ ᠢᠩᢈᠦᠦ ᠠᠪᠬᠤ ᠶᠤᠮ᠃ ᠡᠨᠡ ᠨᠢ ᠨᠡᠶᠢᠲᠡ ᠑᠒᠐.᠐᠐᠐ ᠮᠧᠲ᠋ᠷ ᠻᠦᠪ ᠤᠰᠤ ᠪᠠᠶᠢᠬᠤ ᠪᠥᢉᠡᠭᠡᠳ ᠵᠢᠯ ᠪᠦᠷᠢ ᠖᠐᠐ ᠮᠶᠠᠩᠭᠠᠨ ᢈᠦᠮᠦᠨ ᠦ᠋ ᠨᠢᢉᠡ ᠡᠳᠦᠷ ᠦ᠋ᠨ ᠤᠰᠤᠨ ᠤ᠋ ᢈᠡᠷᠡᢉᠯᠡᢉᠡ ᠲᠡᠢ ᠳᠦᠶᠢᠴᠡᢈᠦᠶᠢᠴᠡ ᠭᠠᠵᠠᠷ ᠤ᠋ᠨ ᠳᠣᠤᠷᠠᢈᠢ ᠤᠰᠤᠨ ᠤ᠋ ᠨᠥᢉᠡᠴᠡ ᠶ᠋ᠢ ᠬᠠᠮᠠᠭᠠᠯᠠᠬᠤ ᠠᠴᠢ ᠬᠣᠯᠪᠤᠭᠳᠠᠯᠲᠠᠢ ᠲᠦᠩᠰᠢᠯᠡᠯ ᠪᠣᠯᠵᠤ ᠪᠠᠶᠢᠨᠠ᠃
ᠲᠤᠰ ᠰᠲ᠋ᠠᠨ᠋ᠼ ᠶ᠋ᠢᠨ ᠬᠤᠪᠢ ᠳ᠋ᠤ ᠥᠪᠡᠷ ᠦ᠋ᠨ ᠲᠧᢈᠨᠣᠯᠣᢉᠢ ᠶ᠋ᠢᠨ ᢈᠡᠷᠡᢉᠴᠡᢉᠡᠨ ᠦ᠋ ᠬᠠᠶᠠᠭᠳᠠᠯ ᠤᠰᠤ ᠪᠠᠨ ᠦᠶᠢᠯᠡᠳᠪᠦᠷᠢᠯᠡᠯ ᠦ᠋ᠨ ᠱᠠᠲᠤ ᠳᠠᠮᠵᠢᠯᠭᠠ ᠳ᠋ᠤ ᠡᠷᢉᠦᠭᠦᠯᠡᠨ ᠠᠰᠢᠭᠯᠠᠳᠠᠭ ᠪᠠᠶᠢᠭᠰᠠᠨ ᠪᠣᠯ ᠦᠦᠨ ᠳ᠋ᠡᢉᠡᠷᠡ ᠨᠡᠮᠡᢉᠡᠳ ᠭᠠᠳᠠᠨᠠ ᠶ᠋ᠢᠨ ᠡᢈᠡ ᠡᢉᠦᠰᠪᠦᠷᠢ ᠡ᠋ᠴᠡ ᠴᠡᠪᠡᠷᠯᠡᢉᠰᠡᠨ ᠬᠠᠶᠠᠭᠳᠠᠯ ᠤᠰᠤ ᠶ᠋ᠢ ᢈᠡᠷᠡᢉᠯᠡᠳᠡᢉ ᠪᠣᠯᠤᠭᠰᠠᠨ ᠢ᠋ᠶᠠᠷ ᠲᠧᢈᠨᠣᠯᠣᢉᠢ ᠶ᠋ᠢᠨ ᠬᠠᠶᠠᠭᠳᠠᠯ ᠤᠰᠤ ᠦᢉᠡᠢ ᠵᠢᠱᠢᠭ ᠰᠲ᠋ᠠᠨ᠋ᠼ ᠪᠣᠯᠵᠤ ᠪᠠᠶᠢᠨᠠ᠃
ᠤᠰᠤᠨ ᠤ᠋ ᠮᠧᠨᠧᠵᠮᠧᠨᠲ ᠦ᠋ᠨ ᠰᠠᠯᠪᠤᠷᠢ ᠳ᠋ᠤ ᠨᠣᠭᠤᠭᠠᠨ ᠰᠢᠢᠳᠡᠯ ᠨᠡᠪᠲᠡᠷᠡᢉᠦᠯᠦᢉᠰᠡᠨ ᠲᠡᠦᢈᠡᠨ ᠦᠢᠯᠡ ᠶᠠᠪᠤᠳᠠᠯ ᠲᠣᢈᠢᠵᠤ ᠪᠠᠶᠢᠨᠠ
ᠠᠮᠤᠭᠤᠯᠠᠩ ᠳᠤᠯᠠᠭᠠᠨ ᠤ᠋ ᠰᠲ᠋ᠠᠨ᠋ᠼ ᠲᠥ᠂ᠥ᠂ᠻᠡ ᠦ᠋ᠨ ᢉᠦᠢᠴᠡᠳᢈᠡᢈᠦ ᠵᠠᢈᠢᠷᠤᠯ ᠮ᠃ ᠮᠥᠩᢈᠥᢉᠡ᠄ ᠨᠢᢉᠡ ᠲᠠᠯᠠ ᠳ᠋ᠤ ᠪᠠᠨ ᠴᠡᠩᢈᠡᠷ ᠠᠯᠲᠠ ᠪᠣᠯᠤᠭᠰᠠᠨ ᠴᠡᠪᠡᠷ ᠴᠡᠩᢉᠡᢉ ᠤᠰᠤᠨ ᠤ᠋ ᠨᠥᢉᠡᠴᠡ ᠶ᠋ᠢ ᢈᠡᠮᠨᠡᢈᠦ᠂ ᢈᠦᠷᠢᠶᠡᠯᠡᠨ ᠪᠤᠢ ᠣᠷᠴᠢᠨ ᠤ᠋ ᠪᠣᠬᠢᠷᠳᠤᠯ ᠢ᠋ ᠪᠠᠭᠤᠷᠠᠭᠤᠯᠬᠤ᠂ ᠨᠥᢉᠦᠭᠡ ᠲᠠᠯᠠ ᠳ᠋ᠤ ᠪᠠᠨ ᠬᠠᠶᠠᠭᠳᠠᠯ ᠦᢉᠡᠢ ᠡᠳ᠋ ᠦ᠋ᠨ ᠵᠠᠰᠠᠭ᠂ ᠨᠣᠭᠤᠭᠠᠨ ᢈᠥᢉᠵᠢᠯ ᠦ᠋ᠨ ᠵᠣᠷᠢᠯᠲᠠ ᠶ᠋ᠢ ᠬᠠᠩᠭᠠᠭᠰᠠᠨ ᠣᠯᠠᠨ ᠲᠠᠯᠠ ᠶ᠋ᠢᠨ ᠠᠴᠢ ᠬᠣᠯᠪᠤᠭᠳᠠᠯᠲᠠᠢ ᠲᠥᠰᠦᠯ ᠦ᠋ᠨ ᠨᠡᢉᠡᢉᠡᠯᠲᠡ ᠶ᠋ᠢ ᠥᠨᠦᠳᠦᠷ ᢈᠢᠵᠦ ᠪᠠᠶᠢᠭᠠ ᠳ᠋ᠤ ᠪᠠᠨ ᠲᠠᠯᠠᠷᠬᠠᠯᠲᠠᠢ ᠪᠠᠶᠢᠨᠠ᠃ ᢈᠥᠷᠦᠩᢉᠡ ᠣᠷᠤᠭᠤᠯᠤᠯᠲᠠ᠂ ᠪᠦᠲᠦᠭᠡᠨ ᠪᠠᠶᠢᠭᠤᠯᠤᠯᠲᠠ ᠶ᠋ᠢᠨ ᠓.᠕ ᠲᠡᠷᠪᠤᠮ ᠲᠥᢉᠦᠷᠢᢉ ᠢ᠋ ᠡᠮ-ᠰᠢ-ᠡᠰ ᠻᠣᠻᠠ-ᠻᠣᠯᠠ ᠻᠣᠮᠫᠠᠨᠢ ᠪᠦᠷᠢᠨ ᠰᠠᠩᢈᠦᠵᠢᢉᠦᠯᠦᢉᠰᠡᠨ ᠪᠥᢉᠡᠭᠡᠳ ᠤᠯᠤᠰ ᠤ᠋ᠨ ᠲᠥᠰᠦᠪ ᠡ᠋ᠴᠡ ᠵᠠᠷᠤᠳᠠᠯ ᠭᠠᠷᠤᠭᠠ ᠦᢉᠡᠢ᠃
ᠪᠠᠶᠢᠭᠠᠯᠢ ᠣᠷᠴᠢᠨ᠂ ᠤᠤᠷ ᠠᠮᠢᠰᠬᠤᠯ ᠤ᠋ᠨ ᠥᢉᠡᠷᠡᠴᠢᠯᠡᠯᠲᠡ ᠶ᠋ᠢᠨ ᠶᠠᠮᠤᠨ ᠤ᠋ ᠲᠥᠷᠦ ᠶ᠋ᠢᠨ ᠨᠠᠷᠢᠨ ᠪᠢᠴᠢᢉ ᠦ᠋ᠨ ᠳᠠᠷᠤᠭᠠ ᠱ᠃ ᠪᠠᠲᠤᠪᠠᠶᠠᠷ᠄ ᢉᠦᠨ ᠦ᠋ ᠤᠰᠤᠨ ᠤ᠋ ᠨᠥᢉᠡᠴᠡ ᠪᠠᠭᠠᠰᠴᠤ ᠪᠤᠢ ᠡᠨᠡ ᠴᠠᠭ ᠦᠶᠡ ᠳ᠋ᠦ ᠬᠤᠪᠢ ᠶ᠋ᠢᠨ ᢈᠡᠪᠰᠢᠯ ᠥᠪᠡᠷ ᠦ᠋ᠨ ᢈᠥᠷᠦᠩᢉᠡ ᠣᠷᠤᠭᠤᠯᠤᠯᠲᠠ ᠪᠠᠷ ᠲᠥᠷᠦ ᠲᠡᠢ ᠬᠠᠮᠲᠤᠷᠠᠨ ᠲᠦᠩᠰᠢᠯᠡᠯ ᠪᠤᠢ ᠪᠣᠯᠭᠠᠵᠤ ᠪᠣᠯᠳᠠᠭ ᠢ᠋ ᠬᠠᠷᠠᠭᠤᠯᠤᠭᠰᠠᠨ ᠬᠣᠶᠠᠷ ᠪᠠᠶᠢᠭᠤᠯᠤᠯᠭᠠ ᠳ᠋ᠤ ᠲᠠᠯᠠᠷᠬᠠᠯ ᠢᠯᠡᠷᢈᠡᠶᠢᠯᠡᠵᠦ ᠪᠠᠶᠢᠨᠠ᠃ ᠰᠲ᠋ᠠᠨ᠋ᠼ ᠡᠳᠦᠷ ᠲᠦ ᠕᠐᠐ ᠮ.ᠻᠦᠪ ᠭᠠᠵᠠᠷ ᠤ᠋ᠨ ᠳᠣᠤᠷᠠᢈᠢ ᠤᠰᠤᠨ ᠤ᠋ ᠨᠥᢉᠡᠴᠡ ᠶ᠋ᠢ ᠬᠠᠮᠠᠭᠠᠯᠠᠨ ᢈᠡᠮᠨᠡᠵᠦ ᠪᠠᠶᠢᠨᠠ᠃
ᠡᠷᠴᠢᠮ ᢈᠦᠴᠦᠨ ᠦ᠋ ᠶᠠᠮᠤᠨ ᠤ᠋ ᠲᠥᠷᠦ ᠶ᠋ᠢᠨ ᠨᠠᠷᠢᠨ ᠪᠢᠴᠢᢉ ᠦ᠋ᠨ ᠳᠠᠷᠤᠭᠠ ᠪ᠃ ᠶᠡᠷᠡᠨ-ᠥᠯᠵᠡᠢ᠄ ᠠᠮᠤᠭᠤᠯᠠᠩ ᠳᠤᠯᠠᠭᠠᠨ ᠤ᠋ ᠰᠲ᠋ᠠᠨ᠋ᠼ ᠨᠢ ᠤᠯᠠᠭᠠᠨᠪᠠᠭᠠᠲᠤᠷ ᠬᠣᠲᠠ ᠶ᠋ᠢᠨ ᠲᠥᠪᠯᠡᠷᠡᢉᠰᠡᠨ ᠳᠤᠯᠠᠭᠠᠨ ᠬᠠᠩᠭᠠᠮᠵᠢ ᠶ᠋ᠢᠨ ᢈᠡᠷᠡᢉᠯᠡᢉᠡᠨ ᠦ᠋ ᠑᠓ ᠬᠤᠪᠢ ᠶ᠋ᠢ ᠬᠠᠩᠭᠠᠳᠠᠭ ᠲᠣᠮᠤᠬᠠᠨ ᠡᢈᠡ ᠡᢉᠦᠰᠪᠦᠷᠢ ᠶᠤᠮ᠃ ᠡᠷᠴᠢᠮ ᢈᠦᠴᠦᠨ ᠦ᠋ ᠰᠠᠯᠪᠤᠷᠢ ᠶ᠋ᠢᠨ ᠪᠣᠳᠤᠯᠭᠠ ᠶ᠋ᠢᠨ ᠲᠡᠷᠢᢉᠦᠯᠡᢈᠦ ᠵᠣᠷᠢᠯᠭᠠ ᠶ᠋ᠢᠨ ᠨᠢᢉᠡ ᠪᠣᠯ ᢈᠠᠮᠤᠭ ᠤ᠋ᠨ ᢈᠦᠢᠲᠡᠨ ᠨᠡᠶᠢᠰᠯᠡᠯ ᠬᠣᠲᠠ ᠪᠣᠯᠬᠤ ᠤᠯᠠᠭᠠᠨᠪᠠᠭᠠᠲᠤᠷ ᠤ᠋ᠨ ᢈᠡᠷᠡᢉᠯᠡᢉᠴᠢᠳ ᠢ᠋ ᠨᠠᠶᠢᠳᠠᠪᠤᠷᠢᠲᠠᠢ᠂ ᠲᠠᠰᠤᠷᠠᠯᠲᠠ ᠦᢉᠡᠢ ᠳᠤᠯᠠᠭᠠᠨ ᠤ᠋ ᠡᠷᠴᠢᠮ ᢈᠦᠴᠦ ᠪᠡᠷ ᠬᠠᠩᠭᠠᠬᠤ ᠶᠠᠪᠤᠳᠠᠯ ᠶᠤᠮ᠃
ᠤᠰᠤᠨ ᠤ᠋ ᠭᠠᠵᠠᠷ ᠤ᠋ᠨ ᠳᠠᠷᠤᠭᠠ ᠵ᠃ ᠪᠠᠲᠤᠪᠠᠶᠠᠷ᠄ ᠤᠯᠠᠭᠠᠨᠪᠠᠭᠠᠲᠤᠷ ᠴᠤᠤᠳ ᠰᠠᠭᠤᠷᠢᠨ ᠠᠮᠢᠳᠤᠷᠠᠯ ᠳ᠋ᠤ ᠰᠢᠯᠵᠢᢉᠰᠡᠨ ᠡ᠋ᠴᠡ ᠬᠣᠶᠢᠰᠢ ᠲᠡᠦᢈᠡᠨ ᠳ᠋ᠡᢉᠡᠨ ᠠᠩᠬᠠ ᠤᠳᠠᠭᠠ ᠬᠠᠶᠠᠭᠳᠠᠯ ᠤᠰᠤ ᠶ᠋ᠢ ᠡᠷᢉᠡᠯᠲᠡ ᠳ᠋ᠦ ᠣᠷᠤᠭᠤᠯᠵᠤ᠂ ᠪᠢᠳᠡᠨ ᠦ᠋ ᠠᠮᠢᠳᠤᠷᠠᠯ ᠳ᠋ᠤ ᠰᠢᠨᠡ ᠬᠤᠤᠲᠠᠰᠤ ᠨᠡᢉᠡᢉᠳᠡᠯᠡ᠃ ᠬᠠᠶᠠᠭᠳᠠᠯ ᠤᠰᠤ ᠶ᠋ᠢ ᠨᠥᢉᠡᠴᠡ ᠪᠣᠯᠭᠠᠨ ᠠᠰᠢᠭᠯᠠᠵᠤ ᠪᠤᠢ ᠡᠨᠡᢈᠦᠦ ᠵᠢᠱᠢᠭ ᠨᠢ ᠢᠷᠡᢉᠡᠳᠦᠢ ᠦᠶᠡ ᠶ᠋ᠢᠨ ᠮᠶᠠᠩᠭᠠ ᠮᠶᠠᠩᠭᠠᠨ ᢈᠡᠦᢈᠡᠳ ᠦ᠋ᠨ ᠤᠩᠳᠠᠨ ᠤ᠋ ᠤᠰᠤᠨ ᠤ᠋ ᠪᠠᠲᠤᠯᠠᠭᠠ ᠶ᠋ᠢ ᠬᠠᠮᠠᠭᠠᠯᠠᠵᠤ ᠪᠤᠢ ᢈᠡᠷᠡᢉ᠃
ᠡᠮ-ᠰᠢ-ᠡᠰ ᠻᠣᠻᠠ-ᠻᠣᠯᠠ ᠬᠤ᠂ᠬᠠ᠂ᠻᠠ ᠦ᠋ᠨ ᢉᠦᠢᠴᠡᠳᢈᠡᢈᠦ ᠵᠠᢈᠢᠷᠤᠯ ᠯ᠃ ᠮᠢᠶᠠᠭᠮᠠᠷᠵᠠᠪ᠄ ᠬᠤᠪᠢ ᠶ᠋ᠢᠨ ᢈᠡᠪᠰᠢᠯ ᠨᠢ ᠮᠠᠨᠯᠠᠶᠢᠯᠠᠵᠤ᠂ ᠲᠥᠷᠦ ᠨᠢ ᠳᠡᠮᠵᠢᠯᢉᠡ ᠦᠵᠡᢉᠦᠯᢈᠦ ᠵᠢᠱᠢᠭ ᠢ᠋ᠶᠡᠷ ᠪᠢᠳᠡ ᠲᠥᠷᠦ ᠬᠤᠪᠢ ᠶ᠋ᠢᠨ ᢈᠡᠪᠰᠢᠯ ᠦ᠋ᠨ ᠨᠢᢉᠡᠨ ᠵᠢᠱᠢᠭ ᠢ᠋ ᠲᠣᠭᠲᠠᠭᠠᠵᠤ ᠴᠢᠳᠠᠯᠠ᠃ ᠡᠨᠡ ᠬᠠᠮᠲᠤ ᠶ᠋ᠢᠨ ᠠᠵᠢᠯᠯᠠᠭᠠᠨ ᠤ᠋ ᠦᠷᠡ ᠳ᠋ᠦᠩ ᠳ᠋ᠦ ᠬᠠᠶᠠᠭᠳᠠᠯ ᠦᢉᠡᠢ ᠲᠣᠶᠢᠷᠤᠭ ᠡᠳ᠋ ᠦ᠋ᠨ ᠵᠠᠰᠠᠭ ᠢ᠋ ᠪᠤᠢ ᠪᠣᠯᠭᠠᠵᠤ᠂ 3R ᠪᠤᠶᠤ ᠤᠰᠤᠨ ᠤ᠋ ᢈᠡᠷᠡᢉᠯᠡᢉᠡ ᠶ᠋ᠢ ᠪᠠᠭᠤᠷᠠᠭᠤᠯᠬᠤ᠂ ᢈᠡᠷᠡᢉᠯᠡᢉᠰᠡᠨ ᠤᠰᠤ ᠪᠠᠨ ᠴᠡᠪᠡᠷᠯᠡᢈᠦ᠂ ᠴᠡᠪᠡᠷᠯᠡᢉᠰᠡᠨ ᠢ᠋ᠶᠡᠨ ᠳᠠᢈᠢᠨ ᠠᠰᠢᠭᠯᠠᠬᠤ ᠵᠠᠷᠴᠢᠮ ᠢ᠋ ᠪᠣᠳᠤᠲᠠᠢ ᢈᠡᠷᠡᢉᠵᠢᢉᠦᠯᠵᠦ ᠪᠠᠶᠢᠭᠠ ᠶᠤᠮ᠃
ᠴᠡᠩᢉᠡᢉ ᠤᠰᠤᠨ ᠤ᠋ ᢈᠦᠷᠢᠶᠡᠯᠡᠩ ᠦ᠋ᠨ ᠤᠳᠤᠷᠢᠳᠬᠤ ᠵᠥᠪᠯᠡᠯ ᠦ᠋ᠨ ᠳᠠᠷᠤᠭᠠ᠂ ᠳ᠋ᠣᠻᠲ᠋ᠣᠷ ᠳ᠃ ᠳᠣᠷᠵᠢᠰᠦ᠋ᠷᠦᠩ᠄ ᠡᠨᠡᢈᠦᠦ ᠲᠥᠰᠦᠯ ᠨᠢ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᠤᠰᠤᠨ ᠤ᠋ ᠨᠥᢉᠡᠴᠡ ᠶ᠋ᠢᠨ ᠠᠶᠤᠯ ᠦᢉᠡᠢ ᠪᠠᠶᠢᠳᠠᠯ ᠢ᠋ ᠬᠠᠩᠭᠠᠬᠤ᠂ ᠵᠠᠰᠠᠭᠯᠠᠯ ᠢ᠋ ᠪᠡᢈᠵᠢᢉᠦᠯᢈᠦ ᠴᠢᠬᠤᠯᠠ ᠰᠠᠨᠠᠭᠠᠴᠢᠯᠠᠭᠠ ᠪᠣᠯᠤᠯᠠ᠃ ᠳᠡᠯᢈᠡᠢ ᠨᠡᠶᠢᠲᠡ ᠳ᠋ᠦ ᠲᠤᠯᠭᠠᠮᠳᠠᠵᠤ ᠪᠤᠢ ᠴᠡᠩᢉᠡᢉ ᠤᠰᠤᠨ ᠤ᠋ ᠬᠣᠮᠰᠤᠳᠤᠯ ᠤ᠋ᠨ ᠨᠥᢈᠦᠴᠡᠯ ᠪᠠᠶᠢᠳᠠᠯ ᠳ᠋ᠤ ᠡᠷᠴᠢᠮ ᢈᠦᠴᠦᠨ ᠦ᠋ ᠰᠠᠯᠪᠤᠷᠢ ᠳ᠋ᠤ ᠬᠠᠶᠠᠭᠳᠠᠯ ᠤᠰᠤ ᠶ᠋ᠢ ᠳᠠᢈᠢᠨ ᠠᠰᠢᠭᠯᠠᠭᠰᠠᠨ ᠡᠨᠡ ᠲᠤᠷᠰᠢᠯᠭᠠ ᠴᠠᠭᠠᠰᠢᠳᠠ ᠮᠣᠩᠭᠣᠯ ᠤᠯᠤᠰ ᠤ᠋ᠨ ᢈᠡᠮᠵᠢᠶᠡᠨ ᠳ᠋ᠦ ᠲᠦᢉᠡᠨ ᠳᠡᠯᢉᠡᠷᠡᠨᠡ ᢉᠡᠳᠡᢉ ᠲᠦ ᠢᠲᢉᠡᠯᠲᠡᠢ ᠪᠠᠶᠢᠨᠠ᠃